إيران قصفت مفاعل ديمونة ب 3 صواريخ.
تم تدمير مبنى تكنولوجي استخباراتي مرتبط بالجيش الإسرائيلي وشغال فيه ناس من شركة مايكروسوفت
وهذا يعتبر واحد من أخطر التصعيدات والضربات الصاروخية اللي نفذتها إيران ضد الاحتلال حتى الآن
واتسببت في أضرار غير مسبوقة وهلع رهيب هناك لدرجة ان حركة الزوارق الاسرائيلية الهاربة من الأراضي المحتلة لقبرص زادت أضعاف!
منذ 4 ساعات فجرت ، إيران أطلقت مجموعة جديدة من الصواريخ ضمن هجمات "الوعد الصادق"، اللي بتنفذها يوميًا ضد الاحتلال..
بحسب الإعلام الإسرائيلي، الصاروخ اللي تم اطلاقه كان شايل حوالي 300 كيلو متفجرات.. وقدر يصيب محيط المركز التكنولوجي في مدينة بئر السبع جنوب فلسطين المحتلة
والجدير بالذكر ان يعد هذا المكان هو مركز تقني ضخم يقدّم خدمات تجسس وذكاء صناعي لصالح الجيش الإسرائيلي، وشغال فيه موظفين تابعين لشركات عالمية زي مايكروسوفت وIBM، وضباط تقنيين تابعين لوحدات الحرب الإلكترونية في الجيش
وان الضربة كانت دقيقة جدًا.
وتم اطلاق صاروخ فرط صوتي واحد بس بعد ما تم انهاك القبة الحديدية، وحسب الإعلام العبري لم يتم اعتراضه وتسبب في خسائر كبيرة في الممتلكات، وكمان نتج عن الضربة حريق ضخم حواليه، وإصابات وسط المدنيين بلغ عددها حسب آخر احصائية حوالي 40 شخص، و تدمير عربيات وتأثر مباني مجاورة.
تم ضرب مبنى Gav-Yam 4، وبحسب الإعلام الإيراني مكان بيتم فيه تدريب عناصر الاستخبارات على استخدام الطيارات المسيرة، وكمان فيه مكاتب مرتبطة بأعمال التجسس التابعة لوحدات الجيش والأمن الداخلي الإسرائيلي.
والأخطر كمان هو إن نفس المنطقة فيها مجمع استخبارات عسكري ضخم تابع للجيش الإسرائيلي، بيضم وحدة "أوفك" التكنولوجية التابعة لسلاح الجو، ومراكز تكنولوجيا سيبرانية تانية، ومعاهم قيادة منطقة الجنوب العسكرية بالكامل!
وبسبب الفوضى، محطة قطارات بئر السبع نفسها اتقفلت بالكامل بسبب الأضرار اللي حصلت من الصاروخ، وده بحسب القناة 12 الإسرائيلية..
خسارة غير مسبوقة وضربة مباشرة متعرضش الكيان لحاجة زيها في تاريخه كله
حسب وسائل الإعلام الإيرانية، ف في 3 صواريخ على الأقل تم اطلاقهم على منطقة ديمونة اللي جواها مفاعل ديمونة النووي.. ولحد دلوقتي الجيش الإسرائيلي فارض رقابة عسكرية مشددة على الموقع، والإعلام متكلمش عن تفاصيل الضربة وفي تعتيم شبه كامل على الخبر.. وغالبًا ممكن تسمع كمان شوية أخبار عن ان المفاعل اتعرض لأضرار أو اصابات في المنطقة المحيطة .
إيران بتضرب إسرائيل في عمقها التقني والعسكري، وبتقصف مراكز التطوير والتكنولوحيا اللي بتقود الحرب من ورا الكواليس، وإسرائيل مش قادرة تتعامل مع الهجمات دي بالسرعة الكافية، والدفاعات الجوية – اللي كانت زمان فخرهم – فشلت في اعتراض صاروخ واحد بس دمر نصف مجمع أمني بالكامل
ليست هناك تعليقات:
إرسال تعليق